"ب لێگەریانەکێ دارەکێ ل ژینگەها جیهانێ بچینە"

ب خۆشحالیڤە زانکۆیا زاخۆ مزگینیەکا دلخۆشکەر بۆ ستاف و قوتابیێن خۆ ڕادگەهینیت، د نوکەدا هوینێن هێژا دشێن ب لێگەریانێ لسەر براوسەرێ ئیکۆسیا (ECOSIA) دارەکێ ل جیهانێ بچینن.

ئێکۆسیا چیە؟
ئێکۆسیا وەکی هەر براوسەرەکێ ( گۆگل، بینگ، ئۆپێرا، مۆزیللا فایرفوکس) ئامیرەکێ لێگەریانێ یە، جیاوازیا وێ ئەوە کۆ هاتیە دامەزراندن وەك ڕێکخراوەكا ژینگەهـ پارێز، ئەو لێگەریانا مە یا ڕۆژانە یا ب ڕێکا (ئێکۆسا) دێ داهاتەک بۆ ڕێکخراوێ چیت، ئەو دێ بۆ چاندنا داران ل سەرانسەری جیهانێ مەزێخن.

د ئەڤی لینکێ ل خوارێ تو دشێی پڕۆگرامێ ئێکۆسیا ل سەر موبایل یان لاپتۆپێ خۆ یان کۆمپیوتەرا خۆ ل ئۆفیسێ زێدە بکەی، هەر چەند پتر  بکاربینی دێ دار بناڤێ زانکۆ یا مە هێنە چاندن و تومارکرن، هەیڤانە ڕاپورتا هژمارا وان داران دێ بۆ مە هێتە هنارتن کا زانکۆیا مە چەند دار د ئەوێ هەیڤێ دا چاندینە.
هەژییە بێژین؛ براوسەرێ (ئێکۆسا) یێ تایبەتە ب هەمی زانکۆیێن جیهانێ ڤە و هەتا نوکە (٢٥) زانکۆیان ژ سەرانسەری جیهانێ ئەڤ براوسەرە کریە ژێدەرێ خۆ یێ سەرەکی یێ لێگەریانێ بۆ قوتابیێن خۆ. زانکۆیا زاخۆ ژی بۆ ڤێ مەرەمێ ڤیایە شوین تبلێن خۆ د کەسکرنا ژینگەها جیهانێدا بهێلیت وێ ژی بریار دایە ڤی براوسەری بکاربینیت.

پێنگاڤێن  بکارئینانێ:
١- لینکێ وان یێ سەرەکی کلیک بکە:
https://ecosia.co/UOZ
هەمان لینکێ ل سەری دیار ☝ بۆ دانڵودکرنا پڕۆگرامی لسەر موبایلێ دهێتە بکارئینان.

٢- وی ئایکونێ کەسک کلیک بکە و وەك (extension) زێدە بکە ل گووگل کرۆم یان هەر براوسەرەک تو بکاردئینی.. تشتێ گەلەک گرنگ ئەوە تو لینکی زانکۆیا زاخۆ بکاربینی، داکو ل دەمێ تو لێگەریانێ ب ڕێکا ئێکۆسیایێ دکەی، دارچاندن بۆ ناڤێ زانکۆیا زاخۆ بهێتە هژمارتن.

پێنگاڤێن بکارئینانێ